观鸟学“闽南话”，还我台湾鸟仔的本名（转）

mars厦大绿野

十九. 鸠鸽科：（kiu-kap kho ）
055 ChheN-chui （青鵻）＞绿鸠＞Green Pigeon.
ChheN-chui （青鵻），大部分歇ti7 原始阔树林内，归身躯有树叶仔色e5 保
护色，无简单hou7 人发现，吼声「hu.hu.hu.hu 」那洞箫声，ti7 台湾东部另
外有红头青鵻T.formosae formosae，是无界普遍e5 留鸟。

056 SoaN-hun2-chiau2 （山粉鸟）＞台湾鸪鸠、灰林鸽＞Ashy Wood Pigeon.
SoaN-hun2-chiau2 （山粉鸟），体刑、大细、羽衣等，大致kap 粉鸟相仝，In
原生ti7 山野，所以有山粉鸟之名，不过ti7 伊e5 颔颈有肉色e5 颈轮斑纹，
这是kap 粉鸟无仝e5 所在。
伊飞行e5 姿势、速度、习性kap 家禽粉鸟无差别，冬天ti7 南投县白石山e5
粉鸟洞、中埔产业道路十一号桥附近，抑是东埔、观高，透早拢有一大阵、一
大阵ti7-leh 飞。In 归阵toa3 仝一所在，在地人ka7 号做粉鸟洞，抑是粉鸟
林。『野鸽谷』e5 名称是二次大战终战后e5 号名，m7 是母语。

057 Pan-kah （斑鸽）＞斑颈鸽＞Spotted-necked Dove.
斑甲（pan-kah ）是斑鸽（pan-kap ）e5 走音，台湾通史：「家鸽，俗称粉鸟
。野鸽，俗曰，斑鸽。」
斑甲，因为颔颈仔后有白色e5 珠仔形喷点花，那像食菜人挂e5 佛珠，所以阁
叫做「数珠仔」抑是「挂珠仔」。
斑甲，差不多逐四界拢有，平地、山坪，庄脚、都市，学校、公园拢有伊e5 叫
声「久、久、久」，一直吼一直tim3 头。植物性食物是主食，嘛爱食草仔籽。
听候斑甲若吼，就是讲犹阁真久e5 意思：「久、久、久」。

058 Toa7-hoe-pan（大花斑）＞金背鸠＞Oriental Turtle Dove.
Toa7-hoe-pan（大花斑）是大型e5 斑甲，羽衣有花纹。是普遍e5 留鸟，时常
出现ti7 旷阔e5 农耕地，以植物性食物为主，嘛爱食细只虫仔。

059 Hoe2-chui-a2 （火鵻仔）＞红鸠（ang5-kiu）＞Red Turtle-Dove.
Hoe2-chui-a2 （火鵻仔）嘛叫做红斑甲，因为伊e5 毛红hoaN2 红hoaN ，生湠
力真强，ti7 西部近海地区，溪埔仔，时常会冻看著数十只、数百只做夥ti7
草埔抑是农耕地活动，In e5 葡萄色红e5 羽衣，ti7 飞悬落低e5 姿态中，那
像火leh 烧，所以chiah 号做Hoe2-chui-a2 （火鵻仔）。
Hoe2-chui-a2 （火鵻仔）大部分ti7 地面chhoe7 食，ti7 城市学校内嘛常常
看著三五只做夥活动，食草籽仔抑是细尾虫豸（thang5-thoa），庄脚所在犹阁
卡济，真正是『无地不有』。

060 Na5-kha-chiau2 （林骹鸟）＞翠翼鸠＞Emerald Dove.
Na5-kha-chiau2 （林骹鸟）大多数ti7 树林下脚活动；ti7 林道抑是登山山路
所看著e5 林骹鸟，差不多拢ti7 路面chhoe7 食，看著人就随时飞走，m7-koh
无外久就阁飞转来原位，是「地生性」鸟类。
Na5-kha-chiau2 （林骹鸟），红嘴pe 、chheN kha- phiaN [绿背]、chheN 翼
股、红脚爪，歇ti7 低山区e5 杂木仔林、果子林抑是山坡农耕地，时常ti7 土
脚chhoe7 食，草木e5 幼芛（iN2 ）、种子、浆果kap 虫豸为食物。

mars厦大绿野

二十. 杜鹃科：（tou7-koan-kho ）
061 pou3-kok （布谷）＞杜鹃、大杜鹃＞Cuckoo.
pou3-kok （布谷），ti7 台湾是罕得出现e5 迷鸟，是『托卵性』鸟类，伊e5
号名世界各国拢chiaN5 仝款，用伊e5 叫声为名。

062 Tou7-koan （杜鹃）＞小杜鹃＞Little Cuckoo.
Tou7-koan （杜鹃）ti7 中国文学上，是文人写作e5 题材，m7-koh ti7 台湾
并无啥物特别e5 所在，主要原因是Tou7-koan （杜鹃）鸟ti7 台湾只不过是罕
得有e5 冬候鸟而已。Ti7 杜鹃属当中，体型卡细，是有名e5 『托卵性』鸟类
，特别爱食chhi3-lo3-a2 虫[毛毛虫]。

063 Kong-sun （公孙）＞筒鸟、中杜鹃＞Himalayan Cuckoo.
台湾亚种e5 Kong-sun （公孙）鸟，是分布ti7 台湾e5 杜鹃科鸟类中，唯一有
生湠记录e5 『托卵性』鸟类，伊托卵e5 对象是灰头布袋鸟（bang5-tang-
tiuh-a2 ）e5 岫内。不过公孙鸟ti7 台湾，分布ti7 山脚、低山区到高山温带
林，是垂直线分布真阔e5 鸟类，灰头布袋鸟（bang5-tang-tiuh-a2 ）kan-na7
平地kap 低山区chiah 有。
庄脚所在有按呢e5 传说：「bang5-tang-tiuh-a2 ，生四粒卵，一粒孵出鹰仔
囝。」可能kap 俗语「三只鸟一只鹰；三个囝一个海瑞兵。」有关系。
另外一个传说：「古早有两个公孙仔，相依为命，有一工为著掘竹笋止枵，煞
hou7 人thai5 死，从按呢化为两只公孙鸟，每年春天新笋若出，就四界哀怨啼
哭公孙！公孙！公孙！吼无停。」
公孙嘛叫做谷雨鸟，In ti7 每年谷雨节气时，也就是阳历四月二十日或二十一
日一定按时出现哮叫。作田人听著谷雨鸟e5 叫声，就知影谷雨到- -a3 ，会使
chit 种豆仔，所以有谷雨鸟e5 名。「清明麻，谷雨豆。」就是讲清明种麻仔
，谷雨种豆仔，上正范（chiaN3-pan7 ）。

064 Kou-chiau2 （姑鸟）＞大慈悲心鸟、鹰鹃＞Large Hawk Cuckoo.
Kou-chiau2 （姑鸟）e5 号名，是因为伊「kou-kou-a2 ！kou-kou-a2 ！kou-
kou-a2 ！」e5 叫声无时停，甚至半暝嘛会听著叫声。
Kou-chiau2 （姑鸟）是夏候鸟，每年热- -人，若ti7 蕙荪林场、溪头林场歇
暗，ti7 半暝一定会听著In 哀怨e5 歌声。
姑鸟e5 故事：阿姑仔！转来- -a3 ！
古早古早，二仁溪上游，罗汉门地带，有一个真散赤e5 庄脚所在，toa3一口灶
人，无父无母，kan-na7 大兄小妹两人相依为命，大兄小妹感情chiaN5 好。
后来，大兄娶某成家，一家三人日子过了不止仔幸福，可惜无外久，兄嫂细姑
煞be7 合，m7 知是阿嫂肚量siuN 狭，be7 堪得款三顿hou7 细姑仔食，阁著了
番薯仔米，sian 算嘛算be7 -ho5 ；抑是细姑仔条直be7 晓做人，一支嘴含一
个舌，be7 晓sai-nai 阁顸颟讲话，m7-chiah be7 得著阿嫂e5 疼。
因为无父母thang aN5 （偏袒掩护），煞hou7 阿嫂愈来愈m7 是款，pian7-na7
大兄出门去作穑，阿嫂就想尽各种毒计beh 将chit-e5 细姑仔ka7 激出门。有
一工，chit-e5 无量e5 兄嫂，又阁趁翁婿出门e5 机会，将煮熟过e5 土豆，强
迫小姑仔提去山园仔种，交代tioh8-ai3 等候土豆puh 芽，chiah 会使chit 转
来。
欲暗仔兄哥转来，chhoe7 无小妹，心肝著急，相连几若工四界走揣，拢无消息
，最后迫问家己家后，chiah 知In 某e5 毒计，就强迫In 某出去chhoe7 细姑
仔，而且交代若寻无伊e5 小妹转来，「你嘛m7-thang ka5 转来。」可怜e5 兄
嫂得著报应，因为chhoe7 无细姑仔，m7 敢转来，煞消失ti7 山郊野外，化做
一只「姑鸟」，规世人ti7 荒郊野外走揣小姑，不时著「kou-kou-a2 ！kou-
kou-a2 ！kou-kou-a2 ！」吼be7 煞。

065 Chhau2-kok （草嘓）＞番鹃＞Lesser Coucal.
Chhau2-kok （草嘓）匿tiam3 草pho7 内，「kok！kok！kok！…」吼be7 煞，
生湠期间e5 夏天羽衣，是金sih-sih e5 乌蓝色，配著浅茶红e5 双翅歇ti7 绿
色e5 草pho7 顶，猛日一下照，实在有影sui2，活跳阁iaN2 目，伊e5 双翅假
那甘蔗e5 kah-hah8 ，ti7 云林嘉义一带有「红kah-hah8-a2 」e5 外号。
Chhau2-kok （草嘓）「红kah-hah8-a2 」，台湾本岛kap 兰屿e5 平洋、丘陵
、低山区拢有伊e5 脚迹，低树林、甘蔗园、庐竹pho7 、茅仔草真旺e5 冢仔埔
，是伊出现e5 所在，常歇ti7 竹仔、树桠、甘蔗叶仔e5 尾溜。
Chhau2-kok （草嘓），ti7 东海岸常常ti7 冢仔埔活动，致使hou7 原住民误
会chit 种鸟仔会挖墓圹，偷食尸体e5 传说，ka7 看做不祥e5 鸟类。
Chhau2-kok （草嘓），是台湾杜鹃科，唯一家己做岫，家己孵卵e5 鸟类，做
岫ti7 卡密e5 草pho7 内、甘蔗园内，利用拗曲蔗叶仔做空心球型e5 岫，食大
型e5 虫豸、蛙类、tou7-teng7 、母舅蛇、土龙仔chit 款蜥类。

mars厦大绿野

二一. 草鹗科：（chhau2-gok8 -kho）
066 kau5-bin7-eng （猴面鹰）＞草鹗＞Grass Owl.

草鹗，面形像猴面，所以ka7 叫做kau5-bin7-eng （猴面鹰）。
一般猫头鸟属树栖性，歇ti7 森林树欉顶峘，kan-na7 kau5-bin7-eng （猴面
鹰）属地栖性，生活ti7 草菢内，kap 一般猫头鸟无啥仝，夜行性却kap 猫头
鸟仝款。
kau5-bin7-eng （猴面鹰）e5 面盘诚特殊，隐藏著夜生活巧妙e5 结构，耳仔
嘛koan5 低爿，目睭大蕊，听觉视觉拢真利。

mars厦大绿野

二二. 鸱鹗科：（chhi-gok8-kho）
067 niau-thau-chiau2（猫头鸟）＞鸱鹗＞Owls.
niau-thau-chiau2（猫头鸟）是一种猛禽，大自然强- -e5 提去食e5 食物链定
律是不可免，为著生存，必须掠食kap 防卫，长久以来就演化出am-kham3 羽色
kap 拟态行为。猫头鸟e5 头壳形态，大概分做有角羽kap 无角羽两大类，chit
种角羽嘛叫做耳羽，是冠羽e5 一种，m7 是耳仔，因为有亲像耳仔e5 角羽，阁
配合著伊e5 面盘kap 圆kun3-kun3 e5 两蕊目睭，非常seng5 猫仔头，m8-
chiah 有猫头鹰或是猫头鸟e5 名。
niau-thau-chiau2（猫头鸟）e5 头壳，会冻转180度看后壁，脚短有力，脚爪
利阁会冻自由伸勼使用，掠杀小动物非常好势。羽毛柔软，翅股e5 羽毛尾溜小
可必叉，飞行时无声无说，恬chut-chut ，大部分e5 猫头鸟拢是树栖性，日-
-时匿tiam3 树林am3-sam3 所在抑是树洞内歇困。
niau-thau-chiau2（猫头鸟）e5 面型seng5 猫仔面，伊e5 叫声「kou~ kou~」
，ti7 恒春地带有「姑嫂鸟」e5 称号。
姑嫂鸟e5 故事：
兄嫂细姑自古以来，就真歹做夥斗阵，m7 是阿嫂嫌细姑仔贫惰，就是细姑仔
ka7 ta-ke -a2 投东投西，讲兄嫂e5 歹话，兄嫂心目中e5 「细姑仔猴」从按
呢tiau5 名。下面e5 故事拄好颠倒反，是兄嫂细姑真ba7 有感情e5 故事。
古早古早，有兄嫂细姑两e5 人，个性真ba7 ，感情诚好，厝内大细项代志拢真
有参详，双出双入，是厝边隔壁欣羡呵咾e5 模范。
有一年春天，新笋taN5 出，姑嫂双人就相招beh 去社顶附近e5 山区竹仔林采
幼笋，无疑误煞遇著大雨，到kah 暗暝两人拢无转来，厝内e5 人非常著急，就
派人上山四界走揣，chhoe7 真久拢chhoe7 无In-e5 脚迹，最后chhoe7 到一欉
茄苳树脚，kan-na7 听见两只鸟仔ti7 树仔顶遐leh 吼。讲嘛奇怪，in 兜e5
人转来到厝里了后，犹原听著hit 两只鸟仔「kou ~kou ~ 」吼无停，逐工ui3
欲暗仔一直吼kah 天光。因为姑嫂两人一去不回，所以厝内e5 人若听著「kou
~kou ~ 」e5 叫声，就想著兄嫂细姑In 两人，嘛因为chit 种鸟仔e5 叫声
「kou ~kou ~ 」kai3-seng5 leh 叫阿姑仔~阿姑仔~咧，所以逐家认为有可能
是姑嫂两人e5 化身，所以ti7 垦丁所在，猫头鸟有「姑嫂鸟」e5 称号。
猫头鹰报喜e5 故事：
这是日月潭所在邵族e5 神话，In 一直相信猫头鹰是来报喜讯e5 灵鸟，而且禁
止掠杀。
古早古早，邵族e5 部落内，有一个真sui2 e5 少女，伊犹未结婚就有身- -a
，从按呢予In-e5 父母kap 族人责骂殴打，伊无法度忍受，就趁一个暗暝偷偷
仔离开in 兜。
几若工后，有一为族人ti7 山里扑猎，发现chit-e5 查某囡仔死ti7 路边，而
且渐渐变成一只猫头鹰。
日子一工一工过去，族人也渐渐来be7 记得chit 个少女。
有一工暗时，部落内有一个妇jin5 人，眠梦著一只猫头鹰当面ka7 伊讲：「你
beh 做老母- -a3！」隔转工，chit-e5 查某人ti7 潭仔边洗衫，逐家闲闲
pho3-tau7 开讲中间，chiah 发现，原来有真济人ti7-teh 怀胎有身中间，拢
bat 做过仝款e5 眠梦，而且隔日就有一只猫头鹰，安详恬静徛ti7 厝前e5 树
仔尾顶，亲像leh ka7 人讲有好消息beh 报人知e5 款。
从按呢以后，邵族e5 族人就相信，猫头鹰若飞来，就是chah 查某人怀孕e5 好
消息到位。以后In 对猫头鹰渐渐感觉敬畏，同时嘛禁止猎杀猫头鹰，而且ai3
保护猫头鹰。

068 hi5-ba5 -a2 （鱼猫仔）＞黄鱼鹗＞Tawny Fish Owl.
hi5-ba5 -a2 （鱼猫仔），m7 是hi5-niau-a2 ，面型seng5 猫仔，触角敏感，
会使chit 暗中掠食，掠鱼类为主，所以叫做hi5-ba5 -a2 （鱼猫仔）。
hi5-ba5 -a2 （鱼猫仔）e5 食物大多数是水栖抑半水栖动物，像溪鱼苦花、蟹
类、沼虾、蟾蜍抑是树蛙等等，罕得食陆地动物。
hi5-ba5 -a2 （鱼猫仔）是夜间活动为主e5 鸟类，不过寒天时抑是生湠期，嘛
会ti7 日- -时出来chhoe7 食，东部海拔100公尺到中南部1700公尺，溪岸有原
始森林e5 所在，拢有In-e5 踪迹。
注：niau-a2 、ba5-a2 ，汉字拢写做「猫仔」，niau-a2 是『家猫』，ba5-a2
是『狸』 ，『果子狸』叫koe2-chi2-ba5 。

mars厦大绿野

二三. 夜鹰科：（Ia7-eng-kho）
069 bang2-bo2（蚊母）＞日本夜鹰、普通夜鹰＞Jungle Nightjar.
bang2-bo2（蚊母）出现ti7 黄昏到暗暝，hop 飞蛾、蠓虫为食，古早人ka7
hop 蚊误会做吐蚊，chiah ka7 号做bang2-bo2（蚊母）。
1960年国校常识课本第三册：『燕子爱吃蝗虫和蚱蜢，蚊母鸟爱吃蚊虫，…这
些鸟对人类有益，所以是益虫。』
chit-ma2 台湾鸟学界，称号蚊母为夜鹰，是日本外来名。1969年编台湾鸟类名
录时，好亲像认为蚊母是台语名，煞ka7 伊改名叫做夜鹰，从此以后，无语「
蚊母」之名变成历史性名称，ti7 国校课本消失去。

070 Chioh8-ki-a2 （石矶仔）＞台湾夜鹰＞Savanna Nightjar.
Chioh8-ki-a2 （石矶仔）ai3 歇ti7 乾燥有草e5 石头沙a2 e5 溪埔，ti7 台
湾是诚普遍e5 鸟类。不过In 主要歇ti7 溪埔、甘蔗园、旺梨园里，爱鸟人士
卡be7 去注意著，而且In 是夜行性鸟类，日- -时匿tiam3 石头疕仔真济e5 草
埔，欲暗仔以后chiah 出来活动，所以卡少人去记录。

2010-9-30 18:53 回复

mars厦大绿野

二四. 翠鸟科：（chhui3-chiau2-kho ）
071 tio3-hi5-ang （钓鱼翁）＞翠鸟＞Common Kingfisher.

tio3-hi5-ang （钓鱼翁）是留鸟，ui3 平地到低山区e5 溪仔、窟仔、湖埤有
水e5 所在、拢有伊e5 踪迹。
平常歇ti7 水滨e5 树仔顶、听候细尾鱼仔出现，随时chok8 落去水底掠，
kai3-seng5 钓鱼e5 老翁。掠著鱼虾了后，咬转来原位，用尖嘴咬an5 鱼头，
将鱼仔摔树桠，hou7 鱼仔be7 tin2 动chiah 拆食落腹。
tio3-hi5-ang （钓鱼翁）be7 晓泅水嘛be7 晓chhang3 水bi7 ，所以kan-na7
有法度掠浮水面e5 鱼仔，掠著鱼一定随时起飞。飞行时贴ti7 水面，「ki-i2
~ ki-i2 ~」叫像箭直chok8 。
tio3-hi5-ang （钓鱼翁）e5 羽衣，绿色e5 脚脊 phiaN 亲像绿水，猛禽oh 得
看清伊e5 真面目，所以m7 但是钓鱼e5 利器，嘛是避险e5 护身符。

mars厦大绿野

二五. 戴胜科：（ti3-seng3-kho ）
072 Ti3-seng3 （戴胜）＞戴胜＞Hoopoe.

Ti3-seng3 （戴胜），ti7 台湾是无普遍e5 过境鸟，飞行时，冠羽合合，飞
be7 紧，ti7 土脚走真紧，食蜘蛛、草蜢仔、肚蚓、杜定、蛙类，嘛会hop 蠓
仔、胡蝇。
金门人称号Ti3-seng3 （戴胜）是墓圹鸟，常在ti7 墓仔埔出入，是真不吉e5
鸟仔。
Ti3-seng3 （戴胜）之胜，是首饰e5 意思，就是鸟仔类e5 羽冠，伊e5 冠羽长
长排一列，会冻像葵扇按呢展开，伊e5 嘴pe 长阁尖，小可曲曲，thang 插入
土内chhoe7 食。

mars厦大绿野

二六. 五色鸟科：（ngou2-sek-chiau2-kho ）
073 hoe-a2 hoe-siuN7 （花仔和尚）＞五色鸟＞Mullar`s Barbet.

hoe-a2 hoe-siuN7 （花仔和尚），kui 身躯是五花十色e5 花纹，色水chiaN5
艳，吼声「kok.kok.kok …」低低沈沈，亲像和尚诵经敲木鱼e5 声音。
hoe-a2 hoe-siuN7 （花仔和尚）虽然是啄树鸟类e5 宗亲，m7-ku2 kan-na7 啄
树挖孔做岫是仝款习性，In 无啄树掠虫e5 本领，爱食野果、榕仔籽，嘛会食
虫豸。
hoe-a2 hoe-siuN7 （花仔和尚）kap 一般鸟仔无仝，大部分e5 鸟仔拢ti7 树
枝顶困，In 将双脚屈落去，ka7 关节e5 筋腱giu2-an5 ，脚爪吸住树枝，所以
困去嘛be7 lian3 落来。花仔和尚先天无chit 款本能，In 只有将腹肚贴ti7
树洞内歇困，m7-chiah 有hoe-a2 hoe-siuN7 出现e5 树林，一定有chiaN5 济
树洞。

mars厦大绿野

二七. 啄木鸟科：（tok-bok8-chiau2-kho ）
074 Tok-chhiu7-chiau2 （啄树鸟）＞啄木鸟＞Woodpeckes.

Tok-chhiu7-chiau2 （啄树鸟），根据伊e5 听觉，若发现树桠内有鸡母虫（甲
虫e5 幼虫）抑是白蚁，一定挖皮啄孔，ka7 虫啄出来食。
Tok-chhiu7-chiau2 （啄树鸟）chhoe7 蛀虫kap 剥树皮e5 效率chiaN5 强，实
在hou7 人想be7 到，效率好，嘛chiaN5 gau5 食。伊e5 嘴pe 尖阁teng7 ，非
常有力，舌头特别长，尾羽硬腹，贴tiam3 树桠，有固定稳定鸟身e5 作用，脚
爪前后各两爪，拢真尖，后爪会使chit 掠坦横，防止身躯边摇来摇去。
台湾e5 Tok-chhiu7-chiau2 （啄树鸟）有三种，拢是留鸟，大赤啄木kap 绿啄
木分布ti7 中、高海拔山区；小啄木ti7 低海拔山区，是常常看会著e5 鸟仔，
通常歇ti7 大箍e5 树桠。

mars厦大绿野

二八. 八色鸟科：（peh-sek-chiau2-kho ）
075 chheN sit8-a2 （青翅仔）＞八色鸟＞Blue-winged Pitta.

chheN sit8-a2 （青翅仔）e5 翅股头所在，有青蓝色金sih-sih 影目e5 羽毛
，诚sui2 ，m7-chiah ka7 号做chheN sit8-a2 （青翅仔）。
chheN sit8-a2 （青翅仔）ti7 台湾是罕有e5 夏候鸟，生活ti7 低山区树林下
，近水边阴湿e5 所在。两支脚骨诚勇，ti7 土脚兜跳来跳去chhoe7 物食。短
距离e5 飞行kap 钓鱼翁仝款，快速无声直飞，歇ti7 树顶时，尾sim3 - -一下
sim3 - -一下e5 动作kap 钓鱼翁嘛诚仝款，做岫ti7 杂木林树仔顶，鸟仔囝
ti7 母鸟嘴内讨食了后，习惯拢会顺绁放屎，屎那像果冻kui 丸kian-kian，鸟
母会随时用嘴pe ka7 伊咬去tan3 掉。